Makamiai masu linzami na ‘yan gwagwarmaya sun nufi Tel Aviv da matsugunan yahudawan sahyoniya
Tehran (IQNA) A ci gaba da mayar da martani kan sabbin hare-haren da gwamnatin sahyoniyawa ta kai a zirin Gaza, gwagwarmayar Palasdinawa ta kai hari kan Tel Aviv da ma matsugunan yahudawan sahyoniyawan Gaza da makaman roka.
A rahoton Falasdinu Ilyum, a yau tsakar rana ne gwamnatin yahudawan sahyoniya ta fara kai sabbin hare-hare kan yankuna daban-daban na zirin Gaza.
A cewar majiyoyin kiwon lafiya akalla mutum guda ne ya mutu sakamakon harin da mayakan gwamnatin sahyoniyawan suka kai a gabashin Khan Yunis, inda suka auna wasu gungun manoma a gonakinsu.
A halin da ake ciki dai gwamnatin yahudawan sahyoniya ta kai hari a yankunan Al-Qararah da Absan al-Kabirah da ke gabashin Rafah da kuma arewacin zirin Gaza, inda aka yi shahada daya da jikkata wasu da dama, kuma akalla yara biyu na daga cikin wadanda suka jikkata.
