Paparoma ya bayyana damuwarsa game da halin da ake ciki a yankunan Falastinawa

Tehran (IQNA) Shugaban mabiya darikar Katolika a duniya Paparoma Francis ya bayyana damuwarsa kan yadda ake ci gaba da samun tashe-tashen hankula a yankunan Falasdinu da birnin Kudus da aka mamaye.

Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na Al-Safir cewa, Paparoma Francis shugaban mabiya darikar katolika na duniya ya bayyana matukar damuwarsa a ranar Lahadin da ta gabata yayin gudanar da bukukuwan Ista game da abin da ya kira ci gaba da tashe-tashen hankula tsakanin bangarorin Isra’ila da Falasdinu.

Ya ce: Wadannan hare-haren suna barazana ga yanayin aminci da mutunta juna, wanda ya zama wajibi a sake tattaunawa tsakanin Isra'ila da Palasdinawa da kuma tabbatar da zaman lafiya a birnin Quds.

A cikin 'yan kwanakin nan, farfajiyar masallacin Al-Aqsa mai alfarma ya kasance cibiyar tashe-tashen hankula da hare-haren wuce gona da iri da dakarun gwamnatin yahudawan sahyoniya suke kaiwa kan masu bautar Palastinawa da masu ja da baya.

A cikin wadannan hare-hare, sojojin yahudawan sahyoniya sun yi ta harba harsasai, da jefa gurneti da hayaki mai sa hawaye don ficewa daga masallacin da kuma hana kasancewar Palasdinawa da kuma wulakanta wannan wuri mai tsarki, ayyukan da ke tattare da mummunan martani na yanki da na kasa da kasa.

4132779