Sweden: Malubhang Napinsala ang Moske Kasunod ng Hinihinalang Atake ng Panununog
Sa pakikipag-usap sa pampublikong tagapag-brodkas na SR noong Lunes, sinabi ng direktor ng komunikasyon ng Malaking Moske ng Eskilstuna na si Anas Deneche na ang sunog ay sanhi ng panununog.
Ang moske ay matatagpuan sa bahagi ng Arby ng lungsod ng Eskilstuna, iniulat ng Ahensiyang Anadolu.
Ang mga talaan ng pulisya ay nagpapakita na ang moske ay nahaharap sa mga banta at sumailalim sa pisikal na mga pag-atake, sabi niya, at idinagdag na sila ay sigurado na ito ay isang atake ng panununog.
Sinabi ng pulisya na ang moske ay hindi magagamit dahil sa pinsala at ang isang pagsisiyasat ay inilunsad sa pangyayari.
Walang nasugatan sa sunog na naapula ng mga bumbero na ipinadala mula sa apat na mga istasyon.
- Ang Pagsira sa Qur’an ay Nagmarka ng Pinakabagong Islamopobiko na Pangyayari sa Sweden
Sinabi ni Deneche na hindi nila nilayon na sumuko ngunit ang moske, sa ilang anyo, ay muling itatayo. Hanggang doon, hinihimok niya ang mga miyembro na maging matiyaga.
"Nakasanayan natin ang sinasabi nating mga Muslim na 'sabar', na alin pasensiya," sabi niya.
Dumating ang apoy sa gitna ng sunud-sunod na pag-atake laban sa Islam at sa Banal na Qur’an sa Sweden sa nakalipas na ilang mga buwan habang ginagamit ng mga ekstremista ang mga batas sa kalayaan sa pagpapahayag ng bansang Scandinaviano upang isulong ang poot laban sa mga Muslim.
