Bu mesajları eşitmək üçün səmavi qulaqların olması lazımdır. Biz sadə insanlar bunu eşidə bilmirik. Peyğəmbərimizin (s) və onun Əhli-beytinin (ə) kəlamlarına nəzər salaq.
Kafir ətrafındakılara belə səslənir:
-Şeytana aldandım, mehribanlıqla məni doğru yoldan azdırdı.
- Dünyaya aldandım, ona güvəndim və Allahı unudub qəflətə düşdüm.
- Dost kimi görünən insanlar məni aldatdılar, məni tək qoyub, aşağıladılar.
- Övladlarıma aldandım, onların xoşbəxtliyi üçün dinimi, dünyamı hədər etdim.
- Sərvətimə aldandım, Allaha, insanlara xəsislik etdim, xərcləmədim.
- İndi uzun müddətdir məzarda əzab çəkirəm, inləyirəm...
Sonda deyir: "Utanıram. Allah yolunda qəflət və səhlənkarlıq etdiyimə görə peşmanam...".
Peyğəmbərimiz (s) hədislərinin birində buyurur: "And olsun, Məhəmmədin canı əlində olan qüvvəyə! Əgər insanlar ölülərin yerini görsələr və onların səsini eşitsələr, oranı tərk edib özlərinə ağlayardılar. Çünki o ölənin ruhu onun bədəninin üstündə qışqırır və deyir: Ey ailəm və övladlarım! Dünya məni aldatdığı kimi sizi də aldatmasın. Ömrüm boyu yığdığım bütün malları halaldan harama kimi başqalarına buraxdım. Başqaları dadını aldı, amma məsuliyyət mənə aiddir".
* Möhsin Qəraəti tərəfindən yazılmış "İslamın əqidə prinsipləri (Məad)" kitabından götürülmüşdür.