Allahşünaslıq fərqli bir dünya görüşü ilə
* Yerin hərəkəti elə qurulub ki, gecə ilə gündüzü yaradır. Həmişə gecə olduğunu təsəvvür edin. Belə bir vəziyyətdə nə edərdik? “(Ya Rəsulum!) De: “Bir deyin görək, əgər Allah gecəni qiyamətə qədər üstünüzə uzatsaydı, (haqq olan) Allahdan başqa hansı tanrı sizə bir işıq gətirə bilərdi?! Məgər (öyüd-nəsihət) eşitmirsiniz?” (Qəsəs, 71).
* Hal-hazırda insan ayağının altındakı torpaq aram beşik kimidir. "Yeri də Biz döşədik. (Onu) döşəyənlər necə də gözəldir!" (Zariyat, 48). Məgər onlar başlarının üstündəki göyü və ayaqlarının altındakı yeri görmürlərmi? Əgər istəsək, onları yerə batırar, yaxud göyün bir parçasını onların başına endirərik. Şübhəsiz ki, bunda tövbə edib (Allaha tərəf) dönən hər bir bəndə üçün ibrət vardır!" (Səbə, 9).
* İndi su kəmərləri, quyular qazmaqla şirin su əldə edə bilərik. Su yerin dərinliyinə batsa, bizə kim su verəcək? “De: “Bir deyin görək, əgər suyunuz çəkilib (yerin dibinə) getsə, (Allahdan başqa) kim sizə axar su gətirə bilər?!” (Mülk, 30).
* İndi şirin su bizə çatır, su acı və duzlu olsa nə edəcəyik? "Əgər istəsəydik, onu acı (bir su) edərdik. Elə isə niyə (Allahın nemətlərinə) şükür etmirsiniz?" (Vaqiə, 70).
* Ağacları yaşıl və gözəl görürsən, hamısı quru odun olsaydı nə olardı? “Əgər Biz istəsəydik, onu bir saman çöpünə döndərər, siz də mat-məəttəl qalardınız” (Vaqiə, 65).
* Yaddaşımızı itirsək və hətta ev ünvanımızı unutsaq nə edəcəyik?
- Möhsin Qəraəti tərəfindən yazılmış "Əqidə prinsipləri (Tövhid)" kitabından götürülmüşdür.
