IQNA-nın (Beynəlxalq Quran Xəbər Agentliyi) "SƏFA" informasiya portalına istinadən verdiyi xəbərə görə, işğal edilmiş Fələstin torpaqlarında məskunlaşdırılan yəhudilər məscid yandırıblar.
Hadisə İordan çayının Qərb sahilində Ramallahın yaxınlığında yerləşən əl-Bira şəhərində baş verib.
“Yəhudi mühacirlər şəfəq vaxtı şəhərə soxulublar. Onlar məscidin daxili divarlarında iqrçi şüarlar yazıblar və məscidi yandırıblar”, – deyə əl-Bira meri Əzzam İsmayıl bildirib.
Fələstin Azadlıq Təşkilatının (FAT) icra komitəsinin katibi yəhudi mühacirlərin bu hərəkətini pisləyib.
“Onlar bu gün səhər əl-Bira şəhərindəki məscidi yandırıblar və onun divarlarında “Ərəblər mühasirəyə alınsın, bura yəhudi torpağıdır” yazıblar. Bu, irqçilik və aparteiddir”, – deyə o qeyd edib.
HƏMAS rəsmisi Hazim Qasim bu hərəkəti vəhşilik və digər din və ibadət məkanlarına qarşı düşmənlik və ehtiramsızlıq adlandırıb. /3912840