Wadanne kasashe ne suka sanar a gobe Idin karamar Sallah?
Kasashen Afghanistan, Oman, Jordan da Morocco sun sanar a daren jiya cewa an ga jinjirin watan Shawwal a daren ranar Asabar, don haka a yau Lahadi ne za a yi sallar Idi.
A halin da ake ciki kuma, kasashen Larabawa 18 ne suka sanar a cikin sanarwar hukuma a yammacin ranar Asabar cewa, Lahadi ne cikar watan Ramadan, kuma ranar Litinin ita ce ranar farko ta Idin Al-Fitr, daidai da daya ga watan Shawwal.
Kasashen Saudiyya, Masar, Hadaddiyar Daular Larabawa, Kuwait, Kotun Hukunta Ahlus-Sunnah na Iraki, Qatar, Libya, Sudan, Bahrain, Syria, Palestine, Lebanon da Turkiyya da Aljeriya sun ayyana ranar Lahadi a matsayin ranar karshe na watan Ramadan.
Kasashen Philippines, Thailand, India da Canary Islands suma sun sanar da cewa ranar Lahadi ne za ta kasance ranar karshen watan Ramadan kuma ranar litinin za ta zama Idin Al-Fitr saboda rashin ganin jinjirin watan Shawwal.
Rahoton ya ce har yanzu kasashen Mauritaniya da Djibouti da Tunisiya da Somaliya da kuma kotun wakafi ta mabiya Shi'a ta Iraki ba su fitar da wata sanarwa ba dangane da ganin jinjirin watan Shawwal da kuma Idi.
